Það ríkir þjóðarsátt um mataræði landans um þessar mundir en heilsan er í fyrirrúmi sama hvaða leið er farin. Ketó-bókin er nánast uppseld í Hagkaup og hjá Pure Deli í Kópavoginum eru vinsældir grænmetisdjúsanna svo miklir að daglega er verið að búa til djús úr tonni af grænmeti.

Að sögn Jóns Arnars Guðbrandssonar, eins eiganda Pure Deli eru svokallaðir þriggja daga orkuhreinsikúrar vinsælastir hjá honum en þá eru djúsarnir drukknir allan daginn en á kvöldin er léttur kvöldverður. Jón leggur mikla áherslu á að mikilvægt sé að djúsarnir innihaldi mikið magn af grænmeti en ekki einungis ávöxtum eins og sumir flaska á.

„Þegar fólk drekkur góðan grænmetisdjús eykur það orkuna og blóðsykurinn helst stöðugur. Grænmetisdjúsarnir er fullir af vítamínum og við notum til að mynda mikið af rauðrófum sem eru bólgueyðandi og lækka blóðþrýsting ásamt því að vera fullar af trefjum. Sellerí vinnur gegn bólgum og er mjög vatnslosandi, fullt af magnesíum, A-vítamíni og járni. Síðan er sítróna, engifer, gúrkur, gulrætur og epli. Þessir djúsar eru algjör orkusprengja sem hjálpar manni við að losna við slenið eftir jólin.“

Jón Arnar Guðbrandsson og Ingibjörg Þorvaldsdóttir eru eigendur Pure Deli. Árni Sæberg

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir