Matur | mbl | 15.8.2019 | 18:02

Grillaður Brie-ostur

mbl.is/Berglind Hreiðarsdóttir

Grillaður ostur er með því dásamlegra sem hægt er að gæða sér á og þessi uppskrift er ein af þessum sem valda engum vonbrigðum. Það er Berglind Hreiðarsdóttir á Gotterí.is sem á heiðurinn að henni.

Grillaður Brie-ostur

1 stk. Dala Brie
2 litlar ferskjur skornar í teninga
1 lúka bláber
2 msk. söxuð fersk basilika
3 msk. sýróp
Balsamik-gljái

Aðferð:

1 . Leggið ostinn beran á vel heitt grillið í um 2 mínútur.

2. Snúið ostinum við og leggið á álpappír/ílát sem þolið grillhitann og setjið vel af ferskjum/bláberjum ofan á hann, lokið og grillið í 2 mínútur til viðbótar.

3. Takið af grillinu, hellið sýrópi og balsamik-gljáa yfir og að lokum stráið þið basilikunni yfir.

4. Berið fram með góðu kexi.