Mjólka hefur sett á markað nýjan mjólkurdrykk sem kallast Kefir. Drykkurinn er fáanlegur í tveimur ljúffengum bragðtegundum; jarðarberja og bláberja. Þá eru blandaður berja Kefir og hreinn Kefir væntanlegir innan fárra vikna.

Kefir á sér aldagamla og leyndardómsfulla sögu, sem rekja má alla leið til Kákasusfjalla á milli Svartahafs og Kaspíahafs. Þessi heilnæma mjólkurvara inniheldur lifandi góðgerla sem fjölmargar rannsóknir hafa sýnt fram á að hafi jákvæð áhrif á meltingu og almenna heilsu. Gerlarnir verða til þegar svokallað kefírkorn er látið gerjast í mjólk, en uppruni kornanna er sveipaður dulúð og voru þau af sumum talin gjöf frá æðri máttarvöldum. Þeir gengu kynslóða á milli og ferðuðust víða.

Drykkurinn var oftast búinn til úr kúamjólk, ærmjólk eða geitamjólk, sem hellt var í vökvaheldan sekk úr geita- eða sauðskinni ásamt kefírkorninu og látin gerjast úti í sólinni þar til vinnudegi lauk. Þá var sekkurinn hengdur upp þar sem umgangur var mikill, t.d. við útidyr, og stjakaði heimilisfólk við honum í hvert sinn sem gengið var fram hjá.  Þannig var komið í veg fyrir að mjólkin og kefírkornið skildu sig.

Þótt aðferðirnar hafi breyst lítillega í gegnum aldirnar inniheldur Kefir frá Mjólku sömu hollu góðgerlana og forverinn, eða öllu heldur afkomendur þeirra — og með aðstoð nútímatækni hefur þeim reyndar fjölgað aðeins. Þeir eru nú 14 talsins og leggja allir sitt af mörkum til bættrar heilsu og betri líðanar.

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt