Matur | Jólauppskriftir KYNNING | 13.12.2019 | 13:15 | Uppfært 30.11.2021 13:37

Konunglegar karamellusmákökur að hætti Kristbjargar

Hver slær hendinni á móti uppskrift sem tekur smákökurnar upp á næsta stig? Smákökur sem eru í senn bæði ofboðslega einfaldar og afskaplega bragðgóðar.

Það er Kristbjörg Smáradóttir Hansen, matgæðingur og eldhússnillingur, sem á heiðurinn að þessari uppskrift en hún er afar dugleg við að þróa nýjar uppskriftir og mætti með þessar í vinnuna á dögunum og kláruðust þær strax.

Konunglegar karamellusmákökur

225 g brætt smjör
250 g sykur
2 egg
300 g hveiti
2 tsk. Royal-lyftiduft
1 tsk. salt
1 pakki Royal-karamellubúðingur
100 g saxaðar pekanhnetur
150 g karamellukurl frá Nóa Siríus

Aðferð:

Hitið ofninn í 180°C. Byrjið á að bræða smjörið í potti og leyfið því svo að kólna alveg. Vigtið sykurinn í skál og blandið smjörinu vel saman við með písk. Bætið eggjunum við, einu í senn og hrærið vel á milli. Blandið restinni af þurrefnunum, ásamt Royal-búðingsduftinu, vel saman í annarri skál. Blandið nú þurrefnunum, karamellukurlinu og pekanhnetunum rólega saman við smjörblönduna og hrærið saman á milli. Búið til litlar kúlur og raðið á ofnplötuna með smá bili á milli.

Bakið í 10 mínútur við 180°C.