Matur | Morgunblaðið | 20.2.2020 | 16:01

Tiramisu-bolla með Dumle-karamellu

Þessi bolla kemur sterk inn og eflaust munu margir prófa hana á komandi dögum. Bollan kemur úr smiðju Sylvíu Haukdal og er hana að finna í Hagkaupsbæklingnum sem inniheldur fleiri snilldarbollur frá Sylvíu sem ættu að falla í kramið.

Tiramisu-bolla með Dumle-karamellu

Dumle-karamella

1 poki af Dumle-karamellum
2 msk. rjómi

Tiramisu-fylling:

150 ml rjómi
50 g mascarpone
50 g rjómaostur
50 g flórsykur
2 msk. kaffi (uppáhellt)
Kakó

Aðferð:

Dumle-karamella:

Látið dumle-karamellurnar í pott ásamt rjómanum og bræðið við vægan hita.

Tiramisu-fylling:

Þeytið saman rjómaost, mascarpone, flórsykur og kaffi.
Þeytið rjómann í annarri skál.
Blandið rjómablöndunni og rjómanum varlega saman.

Samsetning:

Smyrjið tiramisu-fyllingunni á botninn og stráið kakói yfir (best að nota sigti).
Setjið Dumle-karamelluna á lokið og stráið að lokum meira kakói yfir.