Matur | mbl | 8.4.2020 | 11:02 | Uppfært 12:26

Páskasósan í ár!

Ljósmynd/Berglind Hreiðarsdóttir

Gott fólk. Það tilkynnist hér með að páskasósan í ár er þessi guðdómlega sósa sem Berglind okkar Hreiðarsdóttir á Gotteri.is á heiðurinn af.

Hér parar Berglind sósuna með svínalund sem kom einstaklega vel út. Sósan sem slík er samt rokkstjarna og smakkast vel með öllu – meira að segja frönskum kartöflum!

Hvetjum ykkur til að prófa – páskarnir verða umtalsvert (bragð)betri fyrir vikið ...

Sveppasósa

250 g kastaníusveppir
1 skalottlaukur
3-4 msk. smjör
500 ml rjómi
200 ml vatn
1 pk TORO „Kantarell & Sjampinjongsaus“
1 pk TORO „Kremet Kyllingsaus med basilikum & sjalottlok“
1 tsk. púðursykur
2 tsk. ferskt timían (smátt saxað)
salt, pipar og cheyennepipar

Aðferð:

Skerið sveppi í sneiðar og saxið laukinn, steikið upp úr smjöri og saltið.
Hellið rjóma og vatni í pottinn og pískið báðar tegundir af sósudufti saman við.
Bragðbætið með púðursykri, fersku timíani og salti, pipar og cheyennepipar eftir smekk.

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita ...

Svo megið þið endilega tagga okkur á Instagram þegar þið eruð að elda eitthvað spennandi @matur.a.mbl