Nýr þakbar var opnaður á dögunum, eins bleikur og hugsast getur – enda innblásturinn tekinn alla leið frá söngdívunni Dolly Parton.

Barinn er að finna á Graduate-hótelinu í Nashville, en nafn staðarins má rekja til lags og plötu Dolly Parton sem kom út árið 1989 og ber nafnið White Limozeen. Þar stendur söngkonan í glitrandi kjól fyrir framan hvíta drossíu og glamúrinn fer ekki framhjá neinum.

Barinn er ætlaður öllum sem sækjast eftir því að hafa það notalegt, sama hvort þú færð þér óáfengan drykk eða situr með kavíar á disk – hvort heldur sem er mun lúxusinn umvefja þig. Útisvæðið er með notalegum bekkjum og sundlaug til að dýfa tánum ofan í og barinn nær inn í hús þar sem loft og veggir eru máluð í skærbleikum lit með gylltu skrauti. Velúráklæði er á bekkjum og stólum og úr ljósakrónum hanga glitrandi speglar, auk gólfsíðra glugga sem skilja inni- og útisvæðið að. Og ekki má gleyma aðalstjörnunni, eða skúlptúr af Dolly Parton sjálfri sem stendur svo til fyrir miðju svæðisins, þannig að allir gestir geta barið hana augum sama hvar þeir sitja.

Glamúr og glys alla leið! mbl.is/Graduate Nashville

mbl.is/Instagram_Whitelimozeenash

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt