Ingibjörg Ásbjörnsdóttir heldur úti frábæru matarbloggi þar sem hún deilir uppskriftum sem eru hver annarri girnilegri. Hér gefur að líta uppskrift að dýrindis Snickers-bitum sem eru í hollari kantinum.
Snickers-bitar
Botn – Uppskrift:
- 2 dl haframjöl
- 2 dl kókosmjöl
- 1,5 dl döðlur
- 6 msk kókosolía
Aðferð:
- Setjið haframjöl, kókosmjöl, döðlur og kókosolíu í matvinnsluvél og hrærið vel þar til allt er komið saman.
- Setjið bökunarpappír í botninn og upp hliðarnar á ferhyrntu formi/eldföstumóti og hellið öllu úr matvinnsluvélinni yfir í formið. Þrýstið haframulningnum niður í formið og myndið um 1/2 cm þykkan botn.
- Setjið formið inn í ísskáp í um klst og leyfið botninum að stífna. Útbúið karamelluna á meðan.
Karamella – Uppskrift:
- 300 g döðlur
- 2 dl vatn
- 4 msk hnetusmjör
- 2 dl salthnetur
Aðferð:
- Setjið döðlur og vatn í pott og hitið undir þar til þið náið upp suðu. Hrærið í pottinum í um 1-2 mínútu og leyfið döðlunum að malla í pottinum á meðan, þar til þær mýkjast.
- Takið pottinn af hitanum og hellið döðlunum og vatninu í matvinnsluvél. Bætið einnig út í hnetusmjöri.
- Hrærið öllu vel saman í matvinnsluvélinni þar til þið fáið fallega mjúka karamellu.
- Grófsaxið salthnetur og hrærið þeim saman við karamelluna.
- Eftir að klst er liðin frá því að botninn var settur inn í ísskáp er hann tekinn út og karamellunni dreift yfir.
- Komið forminu nú fyrir í frysti í um 2 klst eða þar til karamellan er orðin nokkuð stíf.
Súkkulaðihjúpur:
- 400 g vegan dökkt súkkulaði (50-70%)
- 1 msk kókosolía
Aðferð:
- Setið súkkulaðið og kókosolíuna í skál og bræðið yfir vatnsbaði.
- Takið skálina af vatnsbaðinu þegar súkkulaðið er alveg bráðið.
- Takið formið út úr frysti eftir um 2 klst og skerið bitana niður eins stóra og þið viljið hafa.
- Veltið hverjum og einum bita upp úr súkkulaðinu þannig að það hylji alla kanta og setið á bökunarpappír þar til súkkulaðið hefur stífnað.
- Einnig má toppa bitana með salthnetukurli, kókosmjöli, súkkulaðiröndum eða hverju sem er.
Ljósmynd/Ingibjörg Ásbjörnsdóttir
Ljósmynd/Ingibjörg Ásbjörnsdóttir
Ljósmynd/Ingibjörg Ásbjörnsdóttir