Hin árlega Met Gala-hátíð, sem jafnan er litið á sem virtustu tískuhátíð heims, var haldin í New York-borg þann 6. maí síðastliðinn, en þangað mættu skærustu stórstjörnur heims og gengu rauða dregilinn.
Það þykir mikill heiður að fá boð á viðburðinn, en í ár ákvað fyrirsætan Sofia Richie Grainge að sleppa hátíðinni. Grainge hefur þrisvar áður komið fram á Met Gala-hátíðinni, en hún sótti viðburðinn síðast árið 2017.
https://www.mbl.is/smartland/tiska/2023/11/09/afhjupa_themad_a_met_gala_fyrir_arid_2024/
https://www.mbl.is/folk/frettir/2024/05/07/laufey_geisladi_a_met_gala/
„Níu mánuðir af sælu“
Grainge hefur þó góða ástæðu fyrir því að hafa frekar verið heima hjá sér en á hátíðinni, en hún er gengin níu mánuði á leið með sitt fyrsta barn.
Á meðan stjörnurnar birtu glamúrmyndir af rauða dreglinum birti fyrirsætan mynd af óléttukúlunni með yfirskriftinni: „Níu mánuðir af sælu.“
https://www.mbl.is/fjolskyldan/frettir/2024/01/26/sofia_richie_a_von_a_barni/