Breska glamúrfyrirsætan Katie Price er með stærri barm en margar aðrar konur. Brjóstin eru þó allt annað en náttúruleg þar sem Price er búin að fara í fjölda aðgerða til þess að láta laga á sér brjóstin. 

Price fór í brjóstastækkunina í Brussel fyrr í þessum mánuði að því fram kemur á vef Daily Mail. Ásamt því að láta breyta brjóstunum hefur hún meðal annars látið breyta nefinu á sér, lyfta andlitinu, fengið sér bótox, varafyllingu og ýmislegt fleira. 

Þrátt fyrir þennan fjölda aðgerða er Price hvergi nærri hætt. „Ég mun aldrei hætta þessum aðgerðum,“ sagði Price í viðtali. „Mig langar að líta út eins og Bratz-dúkka.“

Það eru ekki allir sem dást að útliti Price en fyrirsætunni er sama. „Þetta er minn líkami og ég geri það sem mig langar til. Þannig á það að vera, okkar líkami, mitt val. Munurinn er sá að ég tala um það. Það er fullt af fólki þarna úti sem felur sig,“ sagði Price um val sitt að fara í fegrunaraðgerðir.