Undanfarnar vikur hafa pestir herjað á landsmenn sem eru að reyna að njóta sumarsins eftir bestu getu. Það hefur því sjaldan verið sniðugara að skella í ónæmisstyrkjandi þeyting eins og núna!
Uppskriftin af þessum er úr smiðju Lindu Ben uppskriftahönnuðar, en hún heldur úti uppskriftasíðunni Lindaben.is. Drykkurinn er í senn ljúffengur og mjúkur með örlitlu „kikki“ og inniheldur hráefni sem eiga það sameiginlegt að styrkja ónæmiskerfið og bæta meltinguna.
Ónæmisstyrkjandi þeytingur Lindu Ben
Hráefni:
- 1 appelsína
- 1 gulrót
- 1 cm engifer
- 1/4 tsk. túrmerik
- 2 dl hreint jógúrt með ab-gerlum
- 1/2 dl vatn (ef þér finnst þurfa, annars má sleppa)
- Örlítið af svörtum pipar
- Klakar eftir smekk
Aðferð:
- Öll hráefni eru sett í blandara eða matvinnsluvél og öllu blandað vel saman.
- Helltu drykknum í glas og njóttu! Linda mælir með því að setja nokkra auka klaka út í glasið til að fá drykkinn extra kaldann.