Tæknilegir örðugleikar sem skekja nú heimsbyggðina virðast ekki hafa nein áhrif á flugfélag Play. Örðugleikarnir eru sagðir tengjast kerfisbilun hjá Microsoft.
Í samtali við mbl.is segir Nadine Guðrún Yaghi upplýsingafulltrúi Play að kerfi flugfélagsins séu hýst hjá AWS, eða Amazon Web Services, og því séu engar þjónustur hýstar hjá Microsoft.
https://www.mbl.is/frettir/erlent/2024/07/19/kerfisbilun_hja_microsoft_flugvelar_kyrrsettar/
Öll flug á áætlun
Aðspurð segir hún allt flug félagsins hafa verið á áætlun í morgun. Flugfélagið sé þó vakandi og fylgist vel með stöðu mála í dag.
„Enn sem komið er höfum við ekki heyrt af neinni seinkun,“ segir Nadine.
https://www.mbl.is/frettir/innlent/2024/07/19/ekki_haft_ahrif_a_starfsemi_keflavikurflugvallar/