Í nýrri mánaðarskýrslu hagdeildar Húsnæðis- og mannvirkjastofnunar kemur fram að vísitala leiguverðs hafi verið 116,1 stig í júní og hækkað um 2,5% á milli mánaða. Hefur leiguverð frá því í mars hækkað um 7,4%.
Þá kemur fram að á milli júnímánaða 2023 og 2024 hafi vísitala leiguverðs hækkað um 13%.
„Til samanburðar mældist verðbólga 5,8% á sama tímabili og vísitala íbúðaverðs hækkaði um 9,1%. Á síðastliðnu ári hefur leiguverð því hækkað um 6,8% umfram almennt verðlag og um 3,6% umfram íbúðaverð,“ segir í skýrslunni.
https://www.mbl.is/frettir/innlent/2024/07/18/haegir_a_ibudauppbyggingu_og_verd_haekkar_enn/
Samdráttur milli ára
Í skýrslunni segir að þrýstingurinn á leigumarkaðnum gæti minnkað á komandi misserum vegna þess samdráttar sem orðið hefur í ferðaþjónustu hérlendis.
Skráðar gistinætur voru 2,7 milljónir fyrstu fimm mánuði ársins en á sama tíma í fyrra voru þær 2,94 milljónir.
Umfjöllunina má lesa í heild sinni í Morgunblaðinu í dag.
https://www.mbl.is/frettir/innlent/2024/04/18/markadurinn_hitnar_og_leiguverd_haekkar_hratt/