Bandaríski leikarinn Hank Azaria, sem hefur ljáð góðkunnugum karakterum í The Simpsons rödd sína í hartnær 40 ár, reyndi hvað hann gat til að koma konunglegum hallarverði úr jafnvægi í nýafstaðinni ferð til Lundúna.

Azaria stillti sér upp fyrir framan hallarvörðinn og byrjaði að tala eins og barþjónninn Moe, misindismaðurinn Snake og vísindamaðurinn Dr. Frink í þeirri von um fá hann til að skella upp úr. 

Hallarvörðurinn lét ekki trufla sig enda þaulþjálfaður í að halda ró sinni undir öllum kringumstæðum.

Myndskeið af hrekkjabragðinu birtist á Instagram-síðu New York Post og hefur vakið mikla lukku.