Jean-Pierre Farandou, framkvæmdastjóri franska ríkislestarfyrirtækisin SNCF, segir árásarmennina hafa kveikt eld í leiðslum sem bera „öryggisupplýsingar til lestarstjóra“.
„Þetta er gríðarlegur fjöldi búnta af köplum. Við verðum að gera við eitt búnt í einu, þetta er handvirk aðgerð“ sem krefst aðkomu „hundruð starfsmanna,“ sagði Farandou, en umfangsmikil skemmdarverk voru framin á hraðlestarkerfinu í Frakklandi í nótt.
Sagði Farandou að járnbrautarstarfsmenn sem sinntu næturviðhaldi í miðhluta Frakklands hafi komið auga á óviðkomandi fólk, sem síðan flúði þegar starfsmenn kölluðu á lögreglu.
https://www.mbl.is/frettir/erlent/2024/07/26/umfangsmikil_skemmdarverk_framin/
Ferðum frá París til London verið aflýst
Christophe Fanichet, yfirmaður farþegaþjónustu SNCF, segir tafir á ferðum milli Parísar og norður- og austurhluta Frakklands geta tafist um í um eina til tvær klukkustundir.
„Við biðjum fólk vinsamlega um að koma ekki á stöðina því ef þú hefur ekki heyrt frá okkur þá er lestin þín ekki á áætlun,“ sagði Fanichet í samtali við fréttamenn. Línan sem fer til suðustur Frakklands varð ekki fyrir skemmdum.
Þá hefur ferðum milli Parísar og London um Norður-Frakkland einnig verið aflýst, sagði í yfirlýsingu frá fyrirtækinu Eurostar, auk þess sem tafir verða á öðrum ferðum þar sem lestirnar þurfa að fara yfir línur sem ekki eru ætlaðar hraðlestum.
https://www.mbl.is/frettir/erlent/2024/07/26/leita_theirra_sem_stodu_ad_baki_arasunum/