Aðdáendur Love Island-stjarnanna Molly-Mae Hague og Tommy Fury hafa verið í áfalli síðan þau tilkynntu sambandsslit sín fyrir rúmum tveimur vikum. Í gær rauf Hague loksins þögnina og nú hefur Fury gert slíkt hið sama.
Hann deildi mynd af sér á Instagram-reikningi sínum þar sem hann lýsti því yfir að ásakanir um framhjáhald væru falskar, þrátt fyrir að dönsk kona hafi viðurkennt nýlega að hafa kysst Fury í Makedóníu.
https://www.mbl.is/folk/frettir/2024/08/15/sagdur_hafa_haldid_itrekad_framhja_hague/
„Þessar síðustu vikur hafa brotið í mér hjartað. Þessar ósönnu ásakanir um mig hafa verið hræðilegar, takk allir sem hafa stutt mig í gegnum þetta,“ skrifaði Fury við myndina.
Færslan hefur vakið mikla athygli en aðdáendur parsins eru æstir í að vita hvað raunverulega átti sér stað hjá Fury. Fyrrverandi parið hefur þó óskað eftir því að aðdáendur virði einkalíf sitt á þessum erfiðu tímum.
https://www.mbl.is/folk/frettir/2024/08/27/danska_konan_vidurkennir_ad_hafa_kysst_tommy_fury/