„Það er komið eitt og hálft ár síðan við pöntuðum gott veður og við vonum að það standist,“ segir Nanna Steina Höskuldsdóttir, atvinnu- og samfélagsfulltrúi á Raufarhöfn.
Undirbúningur stendur nú sem hæst fyrir stórtónleika víkingarokksveitarinnar Skálmaldar undir berum himni í Heimskautsgerðinu á Raufarhöfn um aðra helgi, laugardaginn 7. september nánar tiltekið.
Búist er við miklum fjölda gesta og hafa heimamenn skilað ófáum handtökum til að allt verði klárt þegar leikar hefjast.
https://www.mbl.is/folk/frettir/2024/07/22/kaeru_vaettir_faerid_okkur_logn/
„Við erum bara ótrúlega lukkuleg með okkur og undirbúningur gengur vel. Nú er verið að gera og græja alls konar mál á lokametrunum. Hér leggjast allir á eitt, bæði þeir sem eru í rekstri og svo sjálfboðaliðar. Þessir tónleikar eru samfélagslegt verkefni,“ segir Nanna en um síðustu helgi kom hópur heimafólks saman til að snyrta í kringum göngubrúna Bifröst við Heimskautsgerðið. Svo eru ýmis stærri verkefni eins og lagning nýrrar heimtaugar á svæðið. Ekki veitir af enda er Skálmöld ekki þekkt fyrir neitt hálfkák í tónleikahaldi.
Lesa má meira um málið í Morgunblaðinu í dag.