Marius Borg Høiby, 27 ára sonur norsku krónprinsessunnar Mette-Marit, hefur verið handtekinn, grunaður um nauðgun.
Norska lögreglan greindi frá þessu.
Í tilkynningu sagði hún að Høiby, sem Mette-Marit eignaðist áður en hún giftist Hákoni krónprinsi, hefði verið handtekinn í gærkvöldi vegna gruns um að brjóta lög „sem snúa að kynferðismökum með einhverjum sem er meðvitundarlaus eða af öðrum ástæðum getur ekki komið í veg fyrir athæfið“.