Bandaríski leikarinn Josh Brolin fjallar opinskátt um baráttu sína við Bakkus í nýrri sjálfsævisögu sem ber titilinn From Under the Truck.

Brolin, best þekktur fyrir hlutverk sín í kvikmyndum á borð við No Country for Old Men, Milk, Inherent Vice og Avengers, rifjar meðal annars upp atvikið sem varð til þess að hann leitaði sér hjálpar.  

Í bókinni segir leikarinn að botninum hafi verið náð árið 2013 þegar hann rankaði við sér fyrir utan heimili sitt eftir drykkjukvöld. Örfáum klukkustundum síðar sat hann við dánarbeð ömmu sinni, angandi af áfengi.  

„Þetta var síðasti dropinn sem fyllti mælinn,” segir Brolin sem fór í meðferð stuttu seinna og er í dag búin að vera án áfengis í ellefu ár.  

Brolin hefur verið hamingjusamlega giftur í átta ár og á tvær ungar dætur með eiginkonu sinni Kathryn Boyd Brolin. Leikarinn á auk þess tvö uppkomin börn af fyrra hjónabandi.