Sjötta tilraunaflug Starship, geimskips geimvísindafyrirtækisins SpaceX, hefst innan skamms. Áætlað er að skjóta geimskipinu á loft um klukkan tíu að íslenskum tíma.

Hægt er að fylgjast með flugtaki Starship í beinni hér:

Starfsmönnum SpaceX tókst í síðasta mánuði að grípa hluta úr eldflaug í öruggum faðmi svo til gerðra vélarma.

https://www.mbl.is/frettir/erlent/2024/10/13/stor_afangi_fyrir_spacex/

Trump boðar komu sína

Donald Trump, verðandi forseti Bandaríkjanna, hefur boðað komu sína til rannsóknarstofu SpaceX í Boca Chica í Texas til að fylgjast með.

Sonur Trumps, Donald Jr., og öldungadeildarþingmaðurinn Ted Cruz eru með Trump í för.  

Trump hefur útnefnt Elon Musk, eiganda SpaceX, til að stjórna nýju hagræðingarráðuneyti Bandaríkjanna.

https://www.mbl.is/frettir/erlent/2024/11/13/musk_annar_stjornenda_nys_raduneytis_trumps/

 Fjórar megináherslur

Musk segir tilraunaflugið hafa fjórar megináherslur. Það er að prufukeyra vél geimskipsins og hvort hægt verði að endurræsa hana í miðju flugi, að framkvæma sýnilegri lendingu í hafinu að degi til, að láta reyna á, enn frekar, getu vélarmanna til að grípa hluta úr eldflauginni og að framkvæma hraðara og ákafara flug á leið geimskipsins aftur inn fyrir lofthjúp jarðar.  

„Svo eru þúsund aðrar breytingar sem við erum að láta reyna á,“ sagði Musk.

Áætlað er að vélarmarnir muni grípa hluta eldflaugarinnar liðlega tíu mínútum eftir að geimskipinu er hleypt af stað.