Breytingar verða á vöxtum inn- og útlána Íslandsbanka 2.desember næstkomandi. Taka þeir að mestu mið af lækkun stýrivaxta Seðlabankans núna í morgun.
Þetta kemur fram í tilkynningu frá Íslandsbanka.
Hér fyrir neðan má lesa meira um breytingarnar:
Útlán:
- Breytilegir vextir óverðtryggðra húsnæðislán lækka um 0,50 prósentustig
- Fastir vextir til 5 ára óverðtryggðra húsnæðislána lækka um 0,40 prósentustig
- Fastir vextir til 3ja ára óverðtryggðra húsnæðislána lækka um 0,10 prósentustig
- Vextir á yfirdráttarlánum lækka um 0,50 prósentustig
- Fastir vextir á verðtryggðum húsnæðislánum hækka um 0,20 prósentustig
- Breytilegir vextir á verðtryggðum húsnæðislánum hækka um 0,30 prósentustig
- Óverðtryggðir kjörvextir lækka um 0,5 prósentustig
- Verðtryggðir kjörvextir hækka um 0,30 prósentustig
- Óverðtryggðir kjörvextir Ergo, vextir bílalána og bílasamninga lækka um 0,50 prósentustig
Innlán:
- Vextir á óverðtryggðum sparnaðarreikningum lækka um 0,50-0,60 prósentustig
- Vextir á verðtryggðum innlánum hækka um allt að 0,30 prósentustig.