Samningafundi kennara, ríkis og sveitarfélaga lauk um klukkan fjögur í dag en samninganefndir höfðu þá setið við frá því klukkan níu í morgun. Boðað hefur verið til nýs fundar í fyrramálið.

Þetta staðfestir Inga Rún Ólafsdóttir, formaður samninganefndar Sambands íslenskra sveitarfélaga, í samtali við mbl.is.

„Það er ekkert stórt að gerast en það er verið að vinna og það er mjög gott að við skulum vera í sama húsi núna. Það er jákvætt,” segir Inga.

https://www.mbl.is/frettir/innlent/2024/11/19/kennarar_hafa_hafnad_tveimur_tilbodum/

Krafa um viðmiðunarhópa ekki rædd

Sérfræðingur frá jafnlaunastofu var meðal annars fenginn á fund samninganefndanna í gær.

Inga segir þá kröfu kennara, um að finna viðmiðunarhópa á almennum markaði til að jafna laun þeirra við, ekki hafa verið rædda á fundum nefndanna gær og í dag.

„Það er bara góð vinna í gangi. Við höldum áfram á morgun og sjáum hvert það leiðir.“

Inga sagði í samtali við mbl.is í gær að kennarar hefðu fengið tvö tilboð frá samninganefnd Sambands íslenskra sveitarfélaga, en þeim hefði báðum verið hafnað.

https://www.mbl.is/frettir/innlent/2024/11/18/setja_til_hlidar_i_bili_krofu_um_vidmidunarhopa/

https://www.mbl.is/frettir/innlent/2024/11/19/samningafundur_eftir_17_daga_hle/