Handknattleiksdeild ÍBV hefur lagt fram kæru vegna framkvæmdar í kringum leik Hauka og ÍBV í 16-liða úrslitum bikarkeppni karla sem fór fram á Ásvöllum þann 17. nóvember.

Þetta herma heimildir mbl.is og Morgunblaðsins.

https://www.mbl.is/sport/handbolti/2024/11/17/haukar_og_ir_sannfaerandi_i_bikarnum/

Leiknum lauk með átta marka sigri Hauka, 37:29, en Eyjamenn eru ósáttir með það að Haukar hafi breytt leikskýrslunni eftir að fresturinn til þess að gera breytingar var runninn út.

Handknattleikssamband Íslands, HSÍ, lagði sérstaka áherslu á það við félögin fyrir keppnistímabilið að ekki yrði hægt að breyta leikskýrslum þegar minna en klukkutími væri í leik.

Eyjamenn hafa farið fram á það við Handknattleikssambandið að þeim verði dæmdur sigur í leiknum.