Fundi formanna Samfylkingarinnar, Viðreisnar og Flokks fólksins um myndun nýrrar ríkisstjórnar er lokið. Formennirnir hittast aftur eftir helgi. 

Kristrún Frostadóttir, formaður Samfylkingarinnar, birti mynd á Facebook þar sem hún, Þorgerður Katrín Gunnarsdóttir, formaður Viðreisnar, og Inga Sæland, formaður Flokks fólksins, standa saman í eldhúsi Ingu og virðast fá sér kakó.

Í færslunni segir:

„Þrjár hagsýnar í eldhúsinu hjá Ingu. Höldum áfram eftir helgi.“

Ólafur Kjaran Árnason, aðstoðarmaður Kristrúnar, staðfesti í skriflegu svari við fyrirspurn mbl.is að fundi dagsins væri lokið.