Alþjóðaheilbrigðismálastofnunin WHO segir að 70 hafi fallið í árás á sjúkrahús í vesturhluta Súdans.

„Hryllileg árás á sádiarabíska sjúkrahúsið í El Fasher leiddi til 19 meiðsla og 70 dauðsfalla meðal sjúklinga og aðstandenda,“ sagði Tedros Adhanom Ghebreyesus, framkvæmdastjóri WHO, í færslu á X.

Segir hann að spítalinn hafi verið þéttsetinn sjúklingum þegar árásin var gerð.