"Aðalgaurinn Busy P þeytir skífum á Organ í kvöld ásamt mér og Steed Lord," svarar President Bongo kampakátur í garðskálanum í Skerjafirðinum aðspurður hvað hann ætli að gera um helgina og bætir við að umtalaður plötusnúður, Busy P, sé einna þekktastur fyrir að eiga plötufyrirtækið Ed Banger sem gefur út nýjasta afbrigði af elektró tónlist og umboðsmaður Justice og Daft Punk. Sagt er að Ed Banger kvöldin séu heimsfræg fyrir hressleika og stuð enda ávallt með puttann á púlsi danstónlistarinnar. "Það verður geðveik stemning. Ég lofa því," bætir forsetinn við skælbrosandi.