Sáttmáli Sameinuðu þjóðanna um réttindi barnsins var lögfestur með lögum nr. 19/2013 og hefur hann lagagildi hér á landi og bein réttaráhrif. Reykjavíkurborg ber því að fara að ákvæðum sáttmálans við ákvörðunartökur og í athöfnum sínum.
Á fundi borgarstjórnar 18. janúar 2022 lagði borgarfulltrúi Flokks fólksins fram tillögu um að skipaður verði stýrihópur sem greini og leggi mat á hvað vanti upp á til að hægt sé að innleiða Barnasáttmála Sameinuðu þjóðanna í Reykjavík. Allar götur síðan hefur borgarfulltrúi Flokks fólksins margsinnis hvatt meirihlutann til dáða, að hefja ferlið til að komast í hóp Barnvænna sveitarfélaga. Hugmyndafræði þeirra byggist á alþjóðlegu verkefni UNICEF. Barnvæn sveitarfélög vinna markvisst að því að uppfylla réttindi barna og UNICEF á Íslandi styður sveitarfélögin í innleiðingu sinni á Barnasáttmálanum. Verkefnið er samstarfsverkefni UNICEF og félagsmálaráðuneytisins.
...