![Akranes Maðurinn lést á gjörgæsludeild 23. júní.](https://cdni.mbl.is/m2/d7HhnAf-HDpTHvjCid5coXYrkMs=/fit-in/1024x0/myndir/gagnasafn/2024/06/30/a02-015.jpg)
Akranes Maðurinn lést á gjörgæsludeild 23. júní.
— Morgunblaðið/Árni Sæberg
Karlmaður á sextugsaldri lést þann 23. júní á gjörgæsludeild Landspítalans af áverkum sínum eftir að hafa fallið á byggingarsvæði á Akranesi fyrr í mánuðinum.
Þetta staðfestir Kristján Ingi Hjörvarsson, settur aðstoðaryfirlögregluþjónn hjá lögreglunni á Vesturlandi, í samtali við Morgunblaðið. Maðurinn féll á byggingarsvæðinu þann 12. júní en lést af áverkum sínum ellefu dögum síðar.
Lögreglan er með málið til rannsóknar en vildi ekki gefa upp frekari upplýsingar að svo stöddu.