„Eftir heimsóknina ákvað afi minn að vera eftir og réð sig í starf á Sauðárkróki. Þann 1. júlí 1909 stofnaði hann síðan sitt eigið fyrirtæki á Sauðárkróki sem þjónaði sýslunum í kring. Þannig hófst þetta allt,” segir Frank.
Hann bætir við að þótt reksturinn sé blómlegur um þessar mundir hafi gengið á ýmsu í gegnum tíðina. Hann minnist þess að stóru síldarárakreppurnar hafi verið erfiðar fyrir fyrirtækið eins og svo mörg önnur á þeim tíma.
„Faðir minn talaði einnig oft um að upp úr þeim tíma sem stríðið var voru innflutningshöft. Það reyndist afar þungt fyrir reksturinn. Á þeim árum var það í höndum örfárra manna hverjir fengu að flytja inn allar vörur. Það var að öllum líkindum mesta áskorunin sem reksturinn hefur glímt við á þessum 115 árum. Allar kreppurnar sem hafa riðið yfir reyndust erfiðar en okkur tókst að lifa þær allar af,” segir Frank.
Einblíndu á Íslendingana
...