![Einlæg „Tónlistin hefur alltaf verið leið fyrir mig til þess að tjá mig og vera ég sjálf,“ segir Una Schram sem nýverið sendi frá sér sína þriðju smáskífu.](/myndir/gagnasafn/2024/07/06/8f352800-2a5c-4e30-bfb1-80aae9839b72.jpg)
Snædís Björnsdóttir
snaedis@mbl.is
„Þetta er frekar blátt áfram. Stóra tjörnin, það er London, og litli fiskurinn, það er ég,“ segir tónlistarkonan Una Schram spurð út í titil nýrrar smáskífu sinnar Pond Big, Fish Tiny í samtali við Morgunblaðið. Smáskífan, sem kom út um miðjan júní, segir meðal annars frá reynslu Unu af því að búa í bresku stórborginni og fóta sig í tónlistarsenunni þar.
„Þetta byrjaði allt þegar ég bjó ein úti í London. Ég hafði verið að skrifa texta heima í herberginu mínu í Hackney og geymdi þá síðan í símanum mínum,“ segir Una um tilurð plötunnar. Þegar hún kynntist pródúsernum Lewis Ostwaldt fóru hjólin síðan að snúast, en þau unnu bæði í fataversluninni 66° norður á Regent Street í miðbæ London. „Lewis spurði hvort við ættum ekki
...