Snædís Björnsdóttir
snaedis@mbl.is
„Orgelið í Hallgrímskirkju er alveg stórkostlegt hljóðfæri og vel þekkt úti í heimi. Ég fæ reglulega tölvupósta og vinabeiðnir frá organistum alls staðar að sem langar til að koma í kirkjuna og spila,“ segir Björn Steinar Sólbergsson, organisti og tónlistarstjóri í Hallgrímskirkju í Reykjavík. Orgelsumar hefst í Hallgrímskirkju á morgun, sunnudag, og stendur til 25. ágúst. Haldnir verða 15 orgeltónleikar yfir sumarið, hádegistónleikar á laugardögum og síðdegistónleikar á sunnudögum. Á Menningarnótt laugardaginn 24. ágúst verður síðan boðið upp á orgelmaraþon.
Að sögn Björns Steinars er hátíðin í ár einstaklega fjölbreytt og munu þekktir organistar stíga á svið, jafnt erlendir og íslenskir. „Á upphafstónleikunum, sem fara fram á morgun klukkan
...