Guðlaugur Þór Þórðarson loftslagsráðherra kveðst vongóður um að margháttaður ávinningur þess að eiga rafbíl muni örva sölu rafbíla á ný. Tilefnið er umfjöllun Morgunblaðsins í síðustu viku um hrun í sölu rafbíla
![Guðlaugur Þór Þórðarson](/myndir/gagnasafn/2024/07/11/b49741a6-9d15-40f0-9221-6877838ec061.jpg)
Guðlaugur Þór Þórðarson
Baldur Arnarson
baldura@mbl.is
Guðlaugur Þór Þórðarson loftslagsráðherra kveðst vongóður um að margháttaður ávinningur þess að eiga rafbíl muni örva sölu rafbíla á ný.
Tilefnið er umfjöllun Morgunblaðsins í síðustu viku um hrun í sölu rafbíla. Þannig voru nýskráningar rafknúinna fólksbíla á Íslandi um 76% færri á fyrri hluta ársins en á sama tímabili í fyrra. Nýskráningum fækkaði úr 3.921 rafbíl í 956 rafbíla.
Guðlaugur Þór segir ýmislegt í undirbúningi sem muni örva sölu rafbíla á ný. „Það má nefna að nýtt hlunnindamat tók gildi 1. júlí og það er enn eitt skrefið til að gera það hagkvæmara að vera á rafbíl,“ segir Guðlaugur Þór og vísar til hlunnindamats á bílum sem fólk á rétt á frá vinnuveitanda. Með breytingunum jafnast tekjuskattur af
...