Höskuldur Daði Magnússon
hdm@mbl.is
Mikill áhugi virðist vera á ferðum til Íslands í tengslum við almyrkva á sólu hinn 12. ágúst 2026. Víða á netinu er fjallað um Ísland sem álitlegan áfangastað til að berja dýrðina augum og ferðaþjónustuaðilar hafa sett saman pakkaferðir hingað til lands.
Lausleg könnun Morgunblaðsins leiddi í ljós að minnst tvær ferðaþjónustur bjóða upp á vikuferðir hingað til lands af þessu tilefni og verð fyrir slíka ferð eru frá einni milljón króna á farþega. Þá er sömuleiðis hægt að skella sér í 12 daga siglingu um Grænland og Ísland og kostar hún frá 2.750 þúsund krónum á haus.
„Við höfum verið að skipuleggja þetta í þó nokkurn tíma og við elskum Ísland,“ segir Vicky Sahami, stjórnandi hjá Sirius Travel, sem býður átta daga ferð í
...