![Jafnt Valur og Vllaznia skildu jöfn og mætast í Shköder á fimmtudag.](/myndir/gagnasafn/2024/07/13/76d2c4d5-5e7a-47f9-bdb7-dac444f56591.jpg)
Jafnt Valur og Vllaznia skildu jöfn og mætast í Shköder á fimmtudag.
— Morgunblaðið/Arnþór Birkisson
Valsmenn hafa tilkynnt um framkomu stjórnarmanna og stuðningsmanna Vllaznia frá Albaníu í garð þeirra og dómara leiks liðanna á Hlíðarenda í fyrrakvöld til UEFA, Knattspyrnusambands Evrópu. Samkvæmt heimildum Morgunblaðsins var m.a. um líflátshótanir að ræða. Valsmenn staðfestu í gær að málið væri í farvegi hjá öryggisdeild UEFA sem liti það mjög alvarlegum augum. Valur á að leika í Albaníu næsta fimmtudag.