![Búkarest Haukur Þrastarson er á leið úr einu stórliði í annað.](/myndir/gagnasafn/2024/07/13/b21ea001-f08e-4a87-9c50-6d9a76931443.jpg)
Búkarest Haukur Þrastarson er á leið úr einu stórliði í annað.
— AFP/Ina Fassbender
Haukur Þrastarson, landsliðsmaður í handknattleik, er á leið frá Kielce í Póllandi til rúmensku meistaranna Dinamo Búkarest, samkvæmt handboltanetmiðlinum Handballbase. Haukur hefur leikið með Kielce í fjögur ár en misst mikið úr eftir að hafa tvívegis slitið krossband í hné. Dinamo er yfirburðalið í Rúmeníu og meðal sterkari liða í Evrópu en það er eitt þeirra sextán liða sem eru með keppnisrétt í Meistaradeild Evrópu næsta vetur.