Star of Spring er til muna framsæknara og djarfara verk en það síðasta, lögin toga sig í hinar og þessar áttir og brotist er undan línulegri framvindu ef svo mætti segja.
![Höfugt Platan Star of Spring er djassskotið verk með „kenjóttum krúsidúllum“.](/myndir/gagnasafn/2024/07/13/488c39d1-e46f-4ae9-b885-a09764f60683.jpg)
Höfugt Platan Star of Spring er djassskotið verk með „kenjóttum krúsidúllum“.
— Ljósmynd/Birna Ketilsdóttir Schram
TÓNLIST
Arnar Eggert Thoroddsen
arnareggert@arnareggert.is
Anna Gréta gerir út frá Svíþjóð og fyrir þremur árum kom út platan Nightjar in the Northern Sky sem vakti þó nokkra athygli. Fékk Anna meðal annars tvenn verðlaun á Íslensku tónlistarverðlaununum fyrir plötuna. Anna hefur sópað að sér alls kyns verðlaunum og viðurkenningum og fékk til að mynda verðlaun sem kennd eru við Monicu Zetterlund í Svíþjóð árið 2019 og er það til marks um það hversu vel hún hefur komið sér fyrir þar í landi.
Það er hin mjög svo virta djassútgáfa ACT Music sem gefur út en fyrirtækið er staðsett í Berlín. Gaf það einnig út frumburðinn.
Anna á öll lög og texta á plötunni en „Metamorphoses of the Moon“
...