Ari Tryggvason
Hverjir voru fyrstir til að styrkja Hamas? Spurningu varpað fram af leiðsögumanni okkar hjá Abraham Tours í Jerúsalem. Strangtrúaður gyðingur sem fluttist frá NY allnokkrum árum áður. Ísrael, svaraði hann. Hann var fróður, hlutdrægur en virðingarverður í viðleitni sinni að vera það ekki.
Hluti skoðunarferðarinnar var að heimsækja landamæri Gasa, við Erez-landamærastöðina, þar sem hann spjallaði við nokkra Gasabúa sem hafa leyfi til að sækja vinnu til Ísraels. Þar var allt með kyrrum kjörum, engir hermenn sjáanlegir.
Leiðsögumaður okkar lýsti með tilþrifum hinu öfluga landamæraeftirliti, m.a. eru sjálfvirkar varnir þar sem skynjarar kveikja skothríð við minnstu hreyfingu við girðingarnar, allt niður í kött. Kvenhermenn vakta eftirlitsskjáina, búa yfir betri athygli en karlarnir. Ekki
...