![Thomas Matthew Crooks](/myndir/gagnasafn/2024/07/15/223b3727-11a4-4a71-b321-d1c89845e853.jpg)
Egill Aaron Ægisson
Sveinn Valfells
Donald Trump, fyrrverandi forseti Bandaríkjanna, slapp með naumindum þegar banatilræði var gert að honum á framboðsfundi hans í Pennsylvaníu í Bandaríkjunum á laugardaginn.
Trump var nýtekinn til við að ávarpa stuðningsmenn sína þegar fyrstu skotin riðu af. Afar litlu mátti muna að skotin hæfðu Trump í höfuðið, en eitt skotanna straukst við hægra eyra hans. Sérsveitarmenn og öryggisverðir voru fljótir að koma honum til varnar og umkringdu hann þar sem hann stóð á sviðinu.
Tilræðismaðurinn, hinn tvítugi Thomas Matthew Crooks, skaut að Trump með AR15-hríðskotariffli ofan af þaki nærliggjandi byggingar en leyniskyttum bandarísku leyniþjónustunnar tókst að fella árásarmanninn nánast samstundis eftir að skothríðin hófst.
...