Fylkismenn fóru úr botnsæti Bestu deildar karla í fótbolta í gærkvöldi er liðið vann sannfærandi heimasigur á ÍA, 3:0, í Árbænum. Fylkir er nú með ellefu stig eins og nýliðar Vestra en með betri markatölu
![Skoraði Miðvörðurinn Orri Sveinn Segatta skoraði fyrir Fylki í sigrinum mikilvæga gegn ÍA í gærkvöldi. Fylkir er nú kominn úr botnsætinu.](/myndir/gagnasafn/2024/07/16/fd918da6-96a8-422f-aaea-30a9e1ce04c8.jpg)
Skoraði Miðvörðurinn Orri Sveinn Segatta skoraði fyrir Fylki í sigrinum mikilvæga gegn ÍA í gærkvöldi. Fylkir er nú kominn úr botnsætinu.
— Morgunblaðið/Kristinn Magnússon
Besta deildin
Jóhann Ingi Hafþórsson
johanningi@mbl.is
Fylkismenn fóru úr botnsæti Bestu deildar karla í fótbolta í gærkvöldi er liðið vann sannfærandi heimasigur á ÍA, 3:0, í Árbænum. Fylkir er nú með ellefu stig eins og nýliðar Vestra en með betri markatölu. Er Vestri nú á botninum í fyrsta skipti síðan í 2. umferðinni er liðið var stigalaust.
Fylkir byrjaði af krafti og Ómar Björn Stefánsson og Orri Sveinn Segatta komu liðinu í 2:0 á fyrstu 30 mínútunum. Varamaðurinn Aron Snær Guðbjörnsson innsiglaði síðan sigurinn á 85. mínútu.
Fylkismenn þurftu að bíða lengi eftir fyrsta sigrinum en eru nú með þrjá sigra í síðustu sjö leikjum. Sigurinn í gær var sá fyrsti á liði í efri hlutanum hjá Fylkisliðinu í sumar. Eru Árbæingar nú
...