![Listamaður Bill Viola í Flórens 2017.](/myndir/gagnasafn/2024/07/17/f3acf746-5ec5-4df4-b23b-e0f46bee2197.jpg)
Bandaríski listamaðurinn Bill Viola er látinn, 73 ára að aldri, eftir langa baráttu við alzheimers-sjúkdóminn. Samkvæmt frétt AFP var Viola frumkvöðull í notkun nýrra miðla, myndbandsgerð og innsetningum. Viola var þekktur fyrir að skapa kröftugar vídeóinnsetningar sem oft og tíðum fjölluðu um öfgar í mannlegum tilfinningum og upplifunum er tengdust m.a. fæðingu og dauða.
Í færslu frá listatímaritinu ArtNews á samfélagsmiðlinum X segir að áratugalöng vinna Viola með vídeólistina hafi skipt sköpum við það að gera myndbandið að mikilvægri miðlunarleið í nútímalistinni. Viola var „alkemisti hreyfimyndarinnar sem sprengdi smá augnablik upp í myndir með stórkostlegri dýpt“, skrifar myndlistarrýnirinn Brian Kelly á X. Þegar Viola sýndi verk sín í Flórens 2017 kallaði Arturo Galansino, safnstjóri Palazzo Strozzi,
...