„Það hefur ekkert veður verið,“ segir Trausti Jónsson veðurfræðingur um veðrið í Reykjavík það sem af er júlímánuði.
„Hiti er rétt undir meðallagi en það munar eiginlega engu. Hann er 11,2 stig, það er 0,2 stigum undir meðallagi,“ segir Trausti.
Hafa sólskinsstundir í höfuðborginni verið 65 talsins en það er 21 stundu undir meðallagi.
Trausti bendir á að það sé alls ekki með versta móti. „2018 voru þær ekki nema 18 en í fyrra aftur á móti voru þær 188. Þannig að við erum eiginlega í miðjuhópi þó við séum undir meðallagi.“
Hann segir að svipað sé uppi á teningnum hvað úrkomu varðar. Hún hafi verið milli 30-40% yfir meðallagi „en ekkert út úr kortinu“.
„Þó það hafi verið ólíkt veður þessa daga þá jafnast þetta. Við höfum fengið nokkra ágæta daga en líka nokkra afskaplega leiðinlega daga og þeir sitja kannski eitthvað meira í okkur,“ segir Trausti en hann segir mögulega ástæðu þess
...