Norræna húsið (Post) ★★★★· Sýnendur: Nana-Francisca Schottländer, Katie Paterson, Marte Aas, Rita Marhaug, Anna Líndal og Rúrí. Sýningarstjóri: Ruth Hege Halstensen. Sýningin stendur til 8. september og er opin frá þriðjudegi til sunnudags milli kl. 10 og 17.
Myndlist
Hlynur
Helgason
Í Norræna húsinu stendur nú yfir sýning á verkum sex listamanna frá Norðurlöndum og Skotlandi. Yfirskrift sýningarinnar er (Post) og umfjöllunarefnið er svokölluð mannöld, sem snýr að þeim varanlegu áhrifum sem samfélög manna hafa haft á ásýnd og umhverfi jarðarinnar allrar. Verkin á sýningunni eru fjölbreytt í framsetningu þótt flest byggist á kvikmyndamiðlinum.
Þegar inn á sýninguna kemur ber fyrst fyrir augu sjö mínútna langt vídeóverk Ritu Marhaug, norskrar listakonu sem býr í Bergen. Verk hennar er kvikmyndagjörningur þar sem hún sjálf er í meginhlutverki. Sviðið er friðsæl strönd við Lofoten með baðkar í forgrunni. Gjörningurinn felst í því að Rita klæðir sig úr hvítum slopp og stígur nakin ofan í baðkarið
...