Böðvar Bragi Pálsson úr GR átti stórgóðan annan dag á Íslandsmótinu í golfi á Hólmsvelli í Leiru í gær.
Böðvar gerði sér lítið fyrir og lék á 64 höggum, sló vallarmetið og fór í forystu. Hann er á samtals tíu höggum undir pari eftir tvo hringi.
Aron Snær Júlíusson GKG, Íslandsmeistarinn frá því 2021, er fallinn niður í annað sæti en hann er aðeins einu höggi á eftir Böðvari. Aron lék á 68 höggum í gær. Hákon Örn Magnússon úr GR er þriðji á átta höggum undir pari og Sigurður Arnar Garðarsson GKG fjórði á sjö höggum undir pari.
Hákon lék á 66 höggum í gær og Sigurður Arnar 70. Sigurður átti betri fyrsta hring en þá lék hann á 65 höggum.
Ríkjandi Íslandsmeistarinn Ragnhildur Kristinsdóttir úr GR er í forystu í kvennaflokki en hún átti einnig
...