Tilvísunum til Geðheilsumiðstöðvar barna hefur fjölgað um 160% frá árinu 2020. Staðan er svipuð og hjá öðrum stofnunum sem sinna börnum í vanda en tilkynningum til barnaverndar hefur fjölgað umtalsvert það sem af er ári
Elínborg Una Einarsdóttir
elinborg@mbl.is
Tilvísunum til Geðheilsumiðstöðvar barna hefur fjölgað um 160% frá árinu 2020. Staðan er svipuð og hjá öðrum stofnunum sem sinna börnum í vanda en tilkynningum til barnaverndar hefur fjölgað umtalsvert það sem af er ári. Þá hefur álag á meðferðarúrræði Barna- og fjölskyldustofu aukist gífurlega.
„Í heildina endurspeglar þetta það að það virðist vera meiri vanlíðan og kannski ákveðinn óróleiki hjá börnum á Íslandi,“ segir Linda Kristmundsdóttir, forstöðumaður Geðheilsumiðstöðvar barna.
Ekki liggur fyrir hver er ástæða þessarar auknu vanlíðunar meðal barna en einhverjir hafa bent á aðgerðir stjórnvalda í kórónuveirufaraldrinum sem mögulega orsök. Linda telur þó að fleira
...