Tónlistarhátíðin Mannfólkið breytist í slím verður haldin í 7. sinn dagana 25.-27. júlí. „Markmið hátíðarinnar er að auka sýnileika norðlensks tónlistarfólks og að skapa sterka hefð fyrir öflugri menningarhátíð utan meginstrauma á Akureyri. Þannig er fjölbreytileiki atriða aðalsmerki hátíðarinnar Mannfólkið breytist í slím þar sem allt áhugafólk um tónlist getur fundið eitthvað við hæfi. Einnig er lögð áhersla á atriði með líflega sviðsframkomu og þau sem starfa mitt á milli tónlistar og gjörningalistar,“ segir í viðburðarkynningu. Þar kemur fram að hátíðin sé haldin á Óseyri, en allar nánari upplýsingar má nálgast á Facebook-síðu listakollektífsins MBS.
„Ásthildur Sturludóttir, bæjarstjóri Akureyrar, er verndari hátíðarinnar í ár. Það markar kaflaskil í sögu Mannfólkið breytist í slím þar sem þetta er í fyrsta sinn sem verndarinn kemur úr heimi stjórnmála en fyrri verndarar
...