Það var fyrir rúmum áttatíu árum á Þingvöllum, er Íslendingar komu saman til að fagna stofnun lýðveldisins, 17. júní. Örtröð bíla myndaðist á leiðinni enda vildi enginn missa af góðri skemmtun. Sama dag hjá 67 krökkum hófust hátíðarhöldin í miðborg…
Herdís Tómasdóttir
herdis@mbl.is
Það var fyrir rúmum áttatíu árum á Þingvöllum, er Íslendingar komu saman til að fagna stofnun lýðveldisins, 17. júní. Örtröð bíla myndaðist á leiðinni enda vildi enginn missa af góðri skemmtun.
Sama dag hjá 67 krökkum hófust hátíðarhöldin í miðborg Reykjavíkur er þau fengu stúdentshúfuna afhenta og útskrifuðust úr Menntaskólanum í Reykjavík. Stúdentum datt ekki í hug að flytja útskriftina sína og var skólanum sagt upp morguninn 17. júní.
Að lokinni útskrift héldu nýstúdentar á Þingvöll til að fagna bæði sínum tímamótum og þjóðarinnar. Einn þeirra stúdenta er eftirlifandi í dag og heitir hún Anna Gísladóttir.