![](/myndir/gagnasafn/2024/07/25/aa5b286c-2ea0-4b5b-932e-9222eb40e4bd.jpg)
— Morgunblaðið/Árni Sæberg
146 lið keppa á fótboltamótinu Rey Cup sem fer fram í Laugardalnum næstu daga en um er að ræða metfjölda. Mótið var sett í 24. sinn með opnunarathöfn í gærkvöldi en að sögn framkvæmdastjóra keppninnar, Gunnhildar Ásmundsdóttur, er von á um 2.300 keppendum frá 13 löndum. Gunnhildur á ekki von á að vætuspá setji strik í reikninginn fyrir keppendur og segir undirbúning hafa gengið mjög vel.