Bækur
Einar Falur
Ingólfsson
Þessi styrjöld sem ég átti svo veigalítinn þátt í hefur skilið eftir í huga mér slæmar minningar en samt vildi ég ekki fyrir nokkurn mun hafa misst af þessari reynslu,“ skrifar breski rithöfundurinn George Orwell undir lok þessarar þekktu minningarbókar um þátttöku sína í spænsku borgarastyrjöldinni frá hausti 1936 til vors 1937, þar sem hann var einn fjölmargra erlendra liðsmanna herdeilda sem börðust gegn falangistunum, fasistaherdeildum Francos. Þessi tvíbenta afstaða, slæm reynsla sem hann vildi ekki hafa misst af, litar allar lýsingar á veru Orwells á Spáni þessi misserin og hann heldur áfram: „Þegar maður hefur fengið nasasjón af hörmungum á borð við þessar – og hvernig svo sem þetta allt endar verður Spánarstríðið aldrei annað en
...