Halldór Halldórsson fæddist 25. júlí 1964 í Kálfavík í Skötufirði. „Mamma bjó þar hjá foreldrum sínum og þar var ég fyrsta árið. Síðan fórum við til Reykjavíkur en foreldrar mínir fluttu í Ögur þegar ég var þriggja ára, en faðir minn var frá Ögri og þau tóku við búinu þar af foreldrum hans.“
Halldór segir það hafa verið forréttindi að alast upp á æskuslóðunum og að kynnast sveitastörfunum. „Þetta var svolítil endastöð þegar ég var krakki. Vegurinn endaði bara hérna rétt hjá og náði ekki til Ísafjarðar um firðina hérna í Ísafjarðardjúpinu. Samgöngur voru því töluvert á sjó og djúpbáturinn Fagranes kom hingað tvisvar í viku því það var ekki búið að leggja veg alla leiðina og samgöngur voru því mest á sjó. Það var ekki fyrr en ég var orðinn tíu ára, sem opnaður var vegur milli Ögurs og Ísafjarðar 1974.“
Hann segir að sem barn
...