![Guðrún Jóhanna Ólafsdóttir](/myndir/gagnasafn/2024/07/25/56b1c272-e0d0-43b6-8b8d-0b471ce98e6b.jpg)
Guðrún Jóhanna Ólafsdóttir
Guðrún Jóhanna Ólafsdóttir, söngkona, stofnandi og stjórnandi Sönghátíðarinnar í Hafnarborg, hefur verið ráðin nýr skólastjóri Söngskólans í Reykjavík frá og með 1. ágúst. Hún tekur við starfinu af Ólöfu Kolbrúnu Harðardóttur. Þetta kemur fram í tilkynningu frá skólanum.
Guðrún stundaði söngnám við Tónlistarskólann í Reykjavík og Guildhall School of Music and Drama í London. Hún hefur verið gjaldkeri og ritari Félags íslenskra tónlistarmanna og er núverandi formaður Félags íslenskra söngkennara.